རོ་ཁྱི་འདི་ སྒོ་ཕྱུགས་ དྲག་ཤོས་ཅིག་ཨིན།[1]

རོ་ཁྱི་འདི་ མི་གི་ཆ་རོགས་འཆམ་ཤོས་ཅིག་སྦེ་ བརྩི་དོ་ཡོདཔ་བཞིན་དུ་ སྒོ་ཕྱུགས་ ཁྱད་པར་ཅན་ཅིག་ཨིན། རོ་ཁྱི་གི་ཁྱད་ཆོས་མཆོག་ཏུ་གྱུར་པ་ཅིག་འདི་ ཇོ་བདག་ལུ་ དད་པ་དང་ དམ་ཚིག་འགྱུར་བ་མེད་མི་འདི་ཨིན། ཁོང་གིས་ ང་བཅས་ ཁྱིམ་ནང་ལོག་པའི་སྐབས་ལུ་ གདོང་བསྐོར་འོངམ་མ་ཚད་ གནས་སྟངས་ག་ཅི་བཟུམ་ནང་ཐུག་རུང་ ང་བཅས་བཀོ་མི་བཞག། དཔེར་ན་ བི་བི་སི་གི་གནས་ཚུལ་ཅིག་ནང་ མི་ཅིག་རྐང་འཁོར་རྦོབ་རིལ་ཏེ་ རྐངམ་བཅགས་སྡོདཔ་ད་ རོ་ཁྱི་གིས་ཧབ་སྟེ་ ཉེན་སྲུང་སྡེ་ཚན་ཚུ་ འབོ་ཡོད་པའི་ གནས་ཚུལ་བཀོད་དེ་ཡོད་དོ་བཟུམ་ཅིག་ཨིན། དེ་བཟུམ་སྦེ་ རོ་ཁྱི་འདི་ ང་བཅས་སྲུང་སྐྱོབ་འབད་མི་ སེམས་ཅན་དྲག་ཤོས་ཅིག་ཨིན། རོ་ཁྱི་ཡོད་པའི་ཁྱིམ་འདི་ ཉེན་སྲུང་གི་འཕྲུལ་ཆས་ཡོད་མི་ ཁྱིམ་ལས་ཡང་ལྷགཔ་སྦེ་ ཉེན་སྲུང་ལྡནམ་སྦེ་ བརྩིཝ་ཨིན། ཁོང་གིས་ ཨར་རྐུན་ལས་ཉེན་སྲུང་འབད་བ་གིས་མ་ཚད་པར་ མེ་རྐྱེན་ལས་ཡང་ ཉེན་སྲུང་འབདཝ་ཨིན། དེ་ཡང་དཔེར་ན་ བི་བི་སིའི་གནས་ཚུལ་ཅིག་ནང་ ཨ་མི་རི་ཀ་ལུ་ ཁྱིམ་ཅིག་ནང་མེ་རྐྱེན་བྱུངམ་ད་ རོ་ཁྱི་ཅིག་གིས་ ཁོ་རའི་ཇོ་བདག་ མེ་རྐྱེན་ལས་ ཉེན་སྐྱོབ་འབད་ཡོད་པའི་ གནས་ཚུལ་བཀོད་དེ་ཡོད་དོ་བཟུམ་ཅིག་ཨིན། དེ་གིས་ཡང་མ་ཚད་ རོ་ཁྱི་ཚུ་ མི་ལུ་ཆ་རོགས་འབད་མི་སྦེ་ སྦྱོང་བརྡར་ཡང་སྦྱིན་བཏུབ། མི་གིས་འབད་མ་ཚུགས་པའི་ལཱ་ མང་རབས་ཅིག་ རོ་ཁྱི་གིས་འབད་ཚུགས། དཔེར་ན་ ཨར་རྐུན་དང་ བྱང་སྟོར་ཤོར་བའི་ཅ་ལག་ བཙོན་ཁང་ལས་བྱོལ་སོང་བའི་བཙོན་པ་ཆ་ཁྱབ་ རོ་ཁྱི་གིས་ དྲིམ་ཧུམ་སྟེ་ འཚོལ་འཐོབ་དོ་བཟུམ་ཅིག་ཨིན། རོ་ཁྱི་ཚུ་ མི་རྒན་རྒས་དང་ དབང་པོ་སྐྱོན་ཅན་ཚུ་ལུ་ ཞབས་ཕྱི་སྦེ་ཡང་ ལཱ་བཀོལ་དོ་ཡོདཔ་ཨིན། མདོར་བསྡུ་བ་ཅིན་ རོ་ཁྱི་ཚུ་ གཞུང་བཟང་དང་ བསམ་ཤེས་ཅན་ དེ་ལས་ ཐ་དམ་ཚིབ་བརྟན་པའི་ ཆ་རོགས་ཅིག་ཨིན།

[1] འབྲི་རྩོམ་འདི་ སྟག་རྩེ་རིག་གཞུང་མཐོ་རིམ་སློབ་གྲྭ་ནང་ སྐད་ཡིག་དང་རྩོམ་རིག་ལོ་ངོ་གཉིས་པའི་སློབ་ཕྲུག་ཚུ་ལུ་ འབྲི་རྩོམ་དོན་མཚམས་གཅིག་མ་ བྲི་ཐང་སློབ་སྟོན་འབད་བའི་སྐབས་ལུ་ ལེགས་བཤད་པའི་མིང་འཛིན་པ་ རྡོ་རྗེ་རྒྱལ་མཚན་གྱིས་ དཔེ་ཚད་སྦེ་ དབྱིན་སྐད་ཀྱི་འབྲི་རྩོམ་ཅིག་ལས་ དཔེ་བླངས་ཏེ་ བྲིས་བྲིཝ་ཨིན།

Advertisements

Posted on November 2, 2016, in འབྲི་རྩོམ།, རྩོད་གླེང་འབྲི་རྩོམ།. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: